الأجابة

الدكتور عمرو عبد الرحمن

و عليكم السلام . ألف سلامة على حضرتك . طبعا زي ما زميلنا الفاضل قال لازم نعرف سبب الالتهاب الأول و لازم زيارة الطبيب لتنضيف اللثة و بعد هذه الزيارة مع استعمال الفرشاة و المعجون على الأقل مرتين يوميا قبل و بعد النوم او بعد كل وجبة و استخدام الخيط الطبي مرة يوميا و استخدام غسول الأسنان لمدة أسبوع هتلاقي نزيف اللثة قل بشكل ملحوظ . بمشاهدتي ان حضرتك 19 سنة فيه بعض السيدات ممكن التهاب اللثة يزيد في فترات الدورة الشهرية فيلزم في هذه الفترة العناية و الاهتمام بنظافة الفم أكثر من أي فترة عادية.

الأجابة

الدكتور عمرو عبد الرحمن

هناك أنواع من الابتسامات بالنسبة للشفاة . 1- Low lip line و دي مثل حالة حضرتك و دي محتاجة استشارة طبيب تجميل الأسنان هيعمل لحضرتك حاجة اسمها mock up و دا شكل تقريبي للأسنان بعد التركيبات سواء صور أو على الطبعة 2- High lip line أو gummy smile و دي اللي بتظهر فيها اللثة و المريض بيبتسم . و دي علاجها بيكون ياما حقن للشفاه فتكبر شوية فتغطي اللثة أو لو الموضوع اكبر يلزم جراحة تجميلية لاخصائي جراحة تقويم 3- Normal lip line دا عند الإنسان الطبيعي بحيث يظهر ثلث الأسنان الأمامية عند الابتسامة الخفيفة

الأجابة

الدكتور عمرو عبد الرحمن

التسوس عملية ذات 4 أطراف ( جسم السن + بكتريا + بقايا طعام + وقت كافي لحدوث تفاعل بين ال 3 ) فمن الغير الطبيعي في سن حضرتك ان يكون كمية التسوس دي كلها موجودة فلازم تراجعي كذا حاجة : 1- Quantity كمية أكل السكريات فمثلا لو بتاكلي وجبات كثيرة في خلال اليوم مثلا 5 وجبات أو بتشربي شاي،قهوة،عصير،ببسي كتير في اليوم كل دا بيزود فرص التسوس 2- Frequency يعني مثلا لو بتاكلي بار شوكليت أحسن تاكليه كله مرة واحدة بدل ما كل شوية تاكلي منه حتة 3- غسيل الأسنان على الأقل مرتين يوميا أو بعد كل وجبة مع الخيط الطبي مرة 4- زيارة الطبيب بانتظام لاكتشاف التسوسات البسيطة و تقييم الحشوات القديمة قبل ما يوصل للعصب

الأجابة

الدكتور عمرو عبد الرحمن

و عليكم السلام أهلا لحضرتك يا فندم . ابن حضرتك كدة طبيعي جدا هو باقي ليه الانياب -2 فوق و 2 تحت - و ضورس - 2 فوق و 2 تحت - ورا الضروس الموجودة. الموضوع دا بيكمل في سن 2-3 سنوات . و التكلس بتاع الضروس اللبنية بيتم في أيام الحمل و بياخد الكالسيوم بتاعها من آلام فلو لا قدر الله في نقص في الكالسيوم هيأثر على الاسنان و الضروس الدائمة فأهتمي بالطعام اللي بيحتوي على الكالسيوم زي اللبن و الزبادي و الجبنة