انا اتعودت على استخدام برزولين للانف وعاوزه ابطل استعمالها لانفي

للأسف هي من الادوية اللي بتسبب تعود و عشان كدا دايما ينصح بعدم استخدامها  لفترة طويلة  لكن طبعا تقدري تبطليها دلوقتي بس هتعاني شوية من احتقان الانف و الزكام خصوصا لو بقالك فترة طويلة مواظبة عليها. البداية هتكون بانك تقللي من مرات استخدامك لها بشكل تدريجي يعني مثلا لو بتستخدميها 3 مرات في اليوم خليهم مرتين و بعد اسبوع خليهم مرة و بعد اسبوع خليها مرة كل يومين و بعد اسبوع مرة كل 3 ايام و هكذا لحد ما تقطعيها خالص  خلال الوقت دا هتعاني من زكام و احتقان و حساسية بالانف تقدري تتغلبي عليها بمنتجات زي حبوب كلارينيز او ما شابهها و ممكن تستخدمي بخاخ المية و الملح (و يفضل متستخدميش حاجة خالص و تدي فرصة لجسمك يتعود على الوضع الجديد)  لكن اهم حاجة مترجعيش و تزودي جرعة البروزلين او تاخدي اي حاجة تشبهه زي اوترفين مثلا  بعد ما تمر فترة من غير استخدام اي بروزلين خلال كذا اسبوع هترجعي طبيعية ان شاء الله  الموضوع محتاج صبر و ان شاء الله تبطليها اسرع كل ما كانت فترة استخدامك السابقة للبروزلين اقل  بالتوفيق :)