أسئلة واجابات طبية أمراض المسالك البولية والتناسلية

أخي الكريم هلأ صورة الطبقي المحوري من ناحية الجهاز البولي نظيفة تماماً لا يوجد أي إشكالية كل شي ممتاز الكليتين والحالب والمثانة ولكن هناك تسمك في الغشاء المخاطي للقولون من ناحية الجهة اليسرى لذلك يفضل مراجعة أخصائي جهاز هضمي قد يكون سبب الوجع والعلة الموجودة عندك * من الجهاز الهضمي ومن القولون الأيسر بالتحديد بالتوفيق انشاء الله

هلأ من المفترض بما إنه في عندك خصية متضخمة على الجهة اليمنى وشك بوجود عروق على الخصية اليسرى هون صار واجب إجراء سونار دوبلر للخصيتين قد يكون لديك قيلة مائية على الخصية اليمنى او قد يكون لديك شي تاني هذا ببين بالصورة وقد يكون لديك على الجهة اليسرى دوالي حبل منوي ولكن بالنهاية التشخيص * بعود للفحص السريري ولإجراء الصورة اللي ذكرتها مسبقاً عن طريقها بتم التشخيص ووضع العلاج بالتوفيق انشاء الله

السلام عليكم على الأغلب هذا السائل عم ينزل بآخر البول هذا سائل بينزل من غدة البروستات أو من الغدد ما حول الإحليل هلأ هذا ما مافي داعي للقلق من ناحيته هذا يعتبر شيء طبيعي لشب صرله فترة شوي من الزمن ما مارس أو ما أجرى تصريف للسائل المنوي وبالتوفيق انشاء الله مافي مشكلة 

السلام عليكم هلأ شكل الخصية عندك أفقي متل ما إنت عم تذكر وهيدي إجت متل ما عم تقول بتذكر إنه حدث ضربة عليها هلأ ممكن نتيجة الرض تورمت الخصية وأخدت الشكل التبعه لنتيجة يمكن صار في شي إلتهاب إلتصاقات غيرت بشكلها وبوضعيتها ولكن * للإرتياح وللإطمئنان بتمنى إجراء صورة سونار دوبلر للخصيتين هيكي بتريح راسك هيدي بس نحنا عم نعملا حتالي ننفي إذا في شي أمراض ثانية أو أي تشوهات خلقية موجودة بالخصية مش أكتر من هيك وبرجع بأكدلك إنه حب شوية حبوب مسكنة بيمشي الحال انشاء الله يلا بالتوفيق