أسئلة واجابات طبية جراحة عامة

سلامات انشاءلله أختي الكريمة يعني معروف انه بعد أخذ الحقن أو الإبر  خاصة الإبر اللي بكون حجمها كبير ممكن يصير مظاعفات اثنتين الأولى بصير نزف دم والشغلة الثانية اللي هي خراج نزف الدم بكون نتيجة إنه الإبرة هاي بتجرح بعض الشعيرات الدموية فبصير نزف دم وإذا هذا النزف أو التجمع الدموي يعني عادةً الجسم بمتصه بقعد فترة وما بصير أي مشاكل ومرات بصير في تلوث بالجراثيم * والبكتيريا وبصير بتحول لخراج فا يجب إنه مرا متابعة المنطقة إذا صار فيها احمرار ألم شديد صار في ارتفاع درجة الحرارة يجب مراجعة الجراح من أجل فحص المنطقة وإذا في خراج لازم فتح الجرح وتنظيفه ومتابعته بتمنالك الصحة والسلامة انشاءلله

سلامات انشاءلله بالنسبة لظهور ف حبة زي ما  تفضلتي أوو تورم بناي بجانب فتحة الشرج في هناك أكثر من احتمال غالباً بتكون بواسير ممكن تكون خراج فا بحاجة لا إنك تزوري أخصائي جراحة عشان ضروري جداً فحص المنطقة هذا التورم بعد ما يكشف عليه الطبيب الجراح بتم التشخيص هل هو بواسير * والبواسير ممكن تروح وتختفي وممكن تكون خراج الخراج أيظاً إذا كان صغير مع المظادات الحيوية أو مع إذا كان صغير ممكن يختفي لحاله ويرد يرجع فضروري جداً مراجعة أو ممكن تكون زوائد لحمية يعني ضروري جداً مراجعة أخصائي الجراحة عشان الفحص المنطقة والتشخيص الصحيح والعلاج الصحيح بالسلامة انشاء الله

سلام عليكم سلامات انشاءلله بالنسبة لا سؤالك عن النزول دم وإفرازات من الجرح العملية الآن إذا كانت العملية عملية الناسور نوعين استئصال الناسور بشكل كامل وفهاي الحالة بكون الإفرازات قليلة جداً النوع الثاني من العمليات اللي هو فتح الناسور هاي العمليات ممكن يكون عندك  عملت * نفس العملية اللي هي فتح الناسور وعند هاي العملية بصير في إفرازات يومية من دم وإفرازات سوائل من الجرح ولكن يجب مراقبتها إنه ما يصرش في إفراز خروج صديد وتكون خراج أعراض تكون الخراج يعني هاي اللي منخاف منه بعد هاي العملية بصير تكون خراج الجرح بسكر وبتكون خراج أعراضه بصير تورم وألم شديد مكنش موجود وإفرازات * بكون رائحتها كريهة فلازم تراقب في الأيام القادمة إذا في هاي الأعراض فأنصح بمراجعة الجراح حتى يكشف عالمنطقة 

بالنسبة للجلوس لا ينصح بالجلوس يعني ما بنصح بالجلوس بعد هاي العملية إذا كان ولابد فالجلوس على الجنب وو ما يكونش لفترات طويلة المشي ينصح به ومدة التئام الجرح * يعني إذا كان الناسور مفتوح ممكن في بعض الأشخاص بعدوا ثلاث أسابيع شهر أو أكثر شوي فأهم إشي إنه المحافظة على المنطقة نظيفة وتنشيفها بعد المغطس بعد الغسول يعني بعد إخراج البراز يجب عمل مغطس والتنشيف بشكل جيد ودمتم بحفظ الله ورعايته

سلامتك انشاءلله أخي الكريم يعني أنصحك إنك تراجع أخصائي جراحة تجميل والترميم فيعني بساعدك وبقدملك الاستشارة الصحيحة بالسلامة انشاءلله